Fönix Sportflugskeppnin 2010

Alþjóðlegar reglur Keppnisreglur og leiðbeiningar

Úrslit frá 16 júni 2010

urslit-16juni

Myndir

Kæru félagar, við höfum ákveðið að ríða á vaðið með keppni fisa nú í sumar. Um er að ræða tvær lendingakeppnir, pokakastkeppnir og söfnun lendingastaða sem stendur yfir í allt sumar. Keppnin hefur fengið hið virðulega nafn “Fönix Sportflugskeppnin 2010”.

Lendinga- og pokakastkeppni:

Tvær lendingakeppnir verða haldnar og fer sú fyrri fram þann 16. júní kl 18:00 og sú seinni verður 28. ágúst kl 15:00. Keppt verður samkvæmt alþjóðlegum reglum FIA. Að auki verður keppt í pokakasti þar sem keppendur fá skaffaðan þar til gerðan poka sem henda á út 300 fetum yfir braut/marki og vinnur sá sem er næst miðju. Fyrstu þrjú sætin í hvorum flokk (þriggja ása og þyngdarflutnings) verða verðlaunuð með medalíum í lok keppnisdags. Stuttur fundur verður haldinn fyrir keppnina þar sem mönnum verður raðað í hópa eftir tegund flugfars. Að auki verður farið yfir reglur og fyrirkomulag.

Keppnin verður haldin upp á nýja svæði félagsins og nú er bara að nota tíman vel og æfa sig. Boðið verður upp á pulsur og gos á staðnum og hvetjum við alla til þess að mæta og taka þátt. Auðvitað eru allir velkomnir að koma og fylgjast með tilþrifum keppenda sem verður án vafa spennandi.

Lendingastaðakeppnin:

Flugmenn skrá lendingarstaði sína á tímabilinu 9. júní 2010 til 1. sept. 2010, og vinnur sá keppnina sem er með flesta staði skráða í lok tímabilsins.

Lendingarstaður getur verið t.d. Grund, Reykjavíkurflugvöllur, golfvöllurinn á Hellu eða Nesjavallavegurinn. Til að fá lendingarstað skráðan þarf að senda inn mynd með flugmanninum, fisinu og einhverju sýnilegu einkenni fyrir lendingarstaðinn. Með myndinni skal fylgja nafn staðarins, hnit og dagsetning lendingar. Skráning lendingarstaða í júní þarf að berast Gylfa (gylfi.arnason@gmail.com) fyrir 8. júlí, og skráning júlí lendingarstaða fyrir 8. ágúst. Seinna verður gefin út dagsetning fyrir skráningu úrslitalendingarstaðanna í ágúst. Sigurvegari verður útnefndur annarsvegar í flokki þriggja ása fisa, og hinsvegar í flokki þyngdartilfærslufisa.

Keppnin er opin öllum og hugsuð sem fjölskylduskemmtun. Öllum er velkomið að koma með gesti með sér til að gera þetta enn skemmtilegri atburð.

Með bestu kveðju,

Mótsnefnd

Jónas, TF-105 jonas (hjá) theron.is

Gylfi TF-137 gylfi.arnason (hjá) gmail.com

Styrmir TF-150 styrmir (hjá)t1.is 896-8061