Helstu svif-flugstaðir

Helstu flugstaðir í nágrenni Reykjavíkur eru Úlfarsfell og Hafrafell. Vinsælt er að ganga á Úlfarsfell og ættu margir Reykvíkingar og nærsveitamenn að vera því kunnugir. Útsýni þaðan yfir höfuðborgina er stórkostlegt og á góðum degi er þar fjöldi manns á ferð. Úlfarsfellið er u.þ.b. 270 metra hátt.

Hafrafell stendur innan við Úlfarsfell, við Hafravatnið. Hafrafell er u.þ.b. 150 metra hátt og er það bratt fjall. Aðstæður til flugs eru góðar þrátt fyrir litla hæð, þar sem Úlfarsfellið skýlir því fyrir hafgolunni og myndast ákjósanleg skilyrði til myndunar hitauppstreymis.

Helgafell stendur í Mosfellsdal og er gjarnan notað í austlægari áttum, oft á haustin.

 

Einnig er flogið í kömbum við Hveragerði, Ingólfsfjalli og Bláfjöllum. Allt eftir aðstæðum hverju sinni.Vegir eru upp á alla flugstaði svo aðgengi er hér gott, ólíkt mörgum stöðum erlendis.

 

 

Í loggbók svifvængja og svifdrekamanna eru skráð öll flug. Þar með eru skráðir allir flugtaksstaðir sem eru notaðir í skráðum flugum. Þannig hefur safnast upp gagnasafn af flugstöðum. Fletta má upp flugstöðunum í loggbókinni.

Margir staðir hafa GPS hnitin skráð. Græni hringurinn sýnir hvaða vindáttir eru heppilegar fyrir viðkomandi flugstað. Ef smellt er á nafn staðarins, koma fram nánari upplýsingar um staðinn.

Hér er kort með upplýsingum um þekkta flugstaði á Íslandi. Auk flugstaða er sýndar rauntíma upplýsingar frá veðurstöðvum.